Өзбекстанның Сentrum Air әуе компаниясы 5 мамырдан бастап Ташкент пен Алматы арасында жолаушылар тасымалдай бастайды. Бұл жөнінде 3 мамырда Қазақстан азаматтық авиация комитеті хабарлады.
Мамырда аптасына екі рет – дүйсенбі мен бейсенбі күндері рейстер ұшырылмақ, ал 6 маусымнан бастап жұма күні ұшатын үшінші рейс қосылмақ.
Сentrum Air – 2023 жылдан бастап жұмыс істеп келе жатқан жеке әуе компаниясы. Ол әлемнің 15 қаласынан Ташкентке жолаушыларды тасымалдайды.
Осы күнге дейін Алматыдан Ташкентке бірнеше ірі әуе компаниялар рейстер ұшырып келеді, арасында AirAstana мен Uzbekistan Airways де бар.